Vélhjólaíþróttafélag Reykjaness verður með sýningarakstur á vélhjólum og fjórhjólum á laugardaginn næstkomandi.

Það sem gerir þessa sýningu sérstaka er að aksturinn er eingöngu í höndum barna 12 ára og yngri. Það er virkilega skemmtilegt að fylgjast með þessum krökkum því þau koma stöðugt á óvart með flottum akstri.

Að gefa börnum á þessum aldri færi á því að kynnast ökutækjum og réttri meðferð þeirra er mikilvægur liður í bættu umferðaröryggi okkar allra og því hvet ég alla til þess að mæta fyrir aftan SBK húsið í Grófinni kl. 15 á laugardaginn til þess að fylgjast með þessum verðandi meisturum.